Dowladda Hindiya ayaa soo saartay amar wal wal geliyay malaayiin ruux oo Muslimiin ah oo ku nool wadanka Hindiya, kadib markii ay soo saartay wareegto ah in masjid qarniyo jira loo bedelo macbad.
Maxkamadda sare ee Hindiya ayaa sheegtay iney go’aan ku gaartay in dhulka uu ku yaalay masjidka Babri lagu wareejiyo Hinduuska, si ay uga dhistaan macbad.
Masjidkan oo ah masjid fac weyn, islamarkaana leh taariikh dheer ayaa waxaa horey u burburiyay Hinduuska, waxaana sanadihii dambe soo taagnaa muran u dhexeeyay Muslimiinta iyo Hinduuska, kaas oo ugu dambeyn kusoo biya shubtay in Hinduuska lagu wareejiyo Masjidka, si ay uga dhigtaan Macbad.
War kasoo baxay Maxkamadda sare ee Hindiya ayaa lagu yiri ” dhulka uu ku yaalay masjidka Babri waxaa lagu wareejiyay hay’ad ka dhisi doonta macbad, taas bedelkeedana Muslimiinta waxaa dhul laga siiyay mandiqadda Ayuudiya”.
Dhamaan Qudaada maxkamadda ayaa isku raacay go’aankan, waxaana tani ay banaanka soo dhigeysaa xagjinrimada dowladda Hindiya, iyo dhibaatada ay la noolyihiin musliminta ku dhiban wadankaas.
1992-dii ayaa waxaa masjidka Baabri dumiyay koox Hinduus ah, waxaana tan iyo markaas soo socday dood u dhexeysa Muslimiinta iyo Hinduuska, illaa ugu dambeyn loo sharciyeeyey Hinduuska.
