Wararka kusoo dhacaya warqabadka Idaacadda islaamiga ee Al-Furqaan ayaa ku waramaya in qaraxyo xoogan lala eegtay ciidamo katirsan Shisheeyaha Uganda iyo kuwa Burundi ee duulaanka ku jooga gobollada Shabeellaha Hoose iyo Shabeellaha Dhexe.
Deegaanka Buurane oo hoostaga degmada Mahadaay ee Shabeellaha Dhexe ayaa waxaa qarax lala eegtay ciidamo katirsan kuwa Burundi, waxaana qaraxu ahaa mid aad u xoogan.
Goobjoogayaal ayaa sheegaya inuu jiro waxyeello kala duwan oo gaartay ciidamada Burundi ee qaraxa lala eegtay.
Qarax midkaas lamid ah ayaa waxaa sidoo kale ciidamada Uganda lagula beegsaday deegaanka Buula Mareer ee Shabeellaha Hoose, qaraxaas oo isna ahaa mid aad u culus.
Waxa uu qaraxu haleeley gaari dagaal oo ay wateen ciidamada Shisheeyaha, waxaana Shisheeyaha la beegsaday ay sahay ciidan u keeneen saaxibadooda jooga Buula Mareer.
Lama helin faafaahin rasmi ah oo ku aadan qaraxan, waxaana ciidamada Shisheeyaha mar weliba oo ay dhaq dhaqaaq sameeyaan la kulmaan qaraxyo iyo weeraro uga yimaada dhanka ciidamada Xarakada Mujaahidiinta Al-Shabaab.
