Magaalada Qaza ayaa maalinkii 88-aad oo xiriir ah martigalineysa duullaan cudwaani ah oo kaga imaanaya Maamulk Yahuudda, tobannaan ruux oo rayid ah ayaa ku shahiiday duqeymo xooggan oo uu saacadihii ugu dambeeyay Kayaanka Suhyuuniga ah ka fuliyay Jiidda Qaza, iyadoo kooxaha muqaawamada ay ka warbixiyeen khasaaraha ka dhashay dagaallo 4-tii maalmood een lasoo dhaafay ay la galeen ciidanka gumeysiga.
Habeenkii xalay maamulka Yahuudda ayaa geystay mid kamid ah duqeymihii ugu xumaa ee ka dhan ah Shacabka muslimka ah ee Filastiin, kuwaas oo ay ku shahiideen tobannaan ruux oo Abriyo ah, ayna ku dhaawacmeen in ka badan 100 ruux.
Afhayeenka kooxaha Muqaawamada ayaa war qoraal ah oo uu kusoo daabacay barta uu ku leeyahay Telegramka kaga hadlay, tirada askarta Yahuudda looga dilay iyo gaadiidka looga gubay howlgalladaan ka dhacay Jiidda Qaza.
Waxa uu sheegay in 71 kamid ah gaadiidka gaashaaman ee ciidan Yahuudda, kuwaas oo isugu jira taangiyaal cagafyo iyo kuwa ciidanka qaada ay ku burburiyeen howlgallo ay 4-tii maalmood ee lasoo dhaafay ka fuliyeen Jiidda Qaza, xilli wali halkaaso laga soo tabinayo iska hor-imaaydada culus ee u dhexeeya muqaawamada iyo ciidanka gumeysiga.
Waxa uu tilmaamay in 16 askari oo Yahuud ah ay ku dileen, tobannaan kalena ay dhaawacyo kala duwan ku gaarsiiyeen howlgalladaan dhacay 4-tii maalmood ee lasoo dhaafay, isagoona xusay in 42 howlgal oo ka dhan ah Yahuudda ay sababeen dhimashada iyo dhaawaca askar badan oo Yahuud ah.
Halkaan Ka Dhageyso Warbixin duullaanka Qaza oo galay maalinkii 88-aad
