Wararka ka imaanaya magaalada Laascaanood ee xarunta gobalka Sool ayaa ku waramaya , in saaka aroortii uu halkaasi ka dhacay dagaal xooggan uu dhex maray ciidamo kawada tirsan maamulka SSC ee dagaalka kula jira Maamulka Somaliland.
Dagaalka ayaa yimid kadib markii ay ciidanku isku qabteen gaari dagaal oo uu saarnaa qoriga Zuuga, kaas oo ay ka furteen ciidamada maaamulka Somaliland intii ay socdeen dagaalladii ka dhacay magaalada Laascaanood.
Muran dheer kadib waxaa ciidanka ka dhex billawday gacan ka hadal, kaas oo sababay khasaare isugu jira dhimasho iyo dhaawac.
Inta la xaqiijiyay 8 ruux oo dhinacyada dagaallmay ah iyo dad Shacab ah ayaa ku dhintay iska hor-imaadyada maanta ka dhacay magaalada Laascaanood ee gobalka Sool, halka wararka qaarna ay sheegayaan in dad ka badan 10 ruux ay ku dhaawacmeen dagaalka.
