Ciidamada Xarakada Mujaahidiinta Al-Shabaab ee ka howlgala gobalka Bakool ayaa maanta fuliyay weerar qorsheysan oo lagu beegsaday askar katirsan DF oo ku sugnaa qeybo kamid ah gobalkaas.
Weerarka oo khasaare dhaliyay ayaa waxaa lagu qaaday askar katirsan DF oo ku sugnaa duleedka degmada Xudur ee gobalka Bakool.
Ugu yaraan 3 askari ayaa la xaqiijiyay in lagu dilay weerarkaan ay maanta ciidamada Xarakada Mujaahidiinta Al-Shabaab ka fuliyeen duleedka degmada Xudur.
Waxaa inoo suura gashay inaan helno magacyada saddexda askari ee lagu dilay weerarka, kuwaas oo kala ah Maxamed Dameer-rar, Taakooy iyo Isgoowa.
Waxaa weerarkaan lagu dhaawacay hal askari, iyadoo sidoo kale ay ciidamada Xarakada Mujaahidiinta Al-Shabaab kusoo furteen 3 qori AK-47 ah iyo Booshashkooda.
Geesta kale wararka ka imaanaya duleedka magaalada Kismaayo ayaa ku waramaya in maanta mar kale ay halkaasi ka dhaceen dagaallo lagu jabiyay ciidamada DF.
Dagaallada ayaa waxay si gaar ah kaga dhaceen inta u dhaxeysa deegaanada Buulo-gaduud iyo Far-waamo ee dhaca duleedka Kismaayo.
Ugu yaraan hal askari ayaa lagu dilay dagaalladaan cusub, iyadoona lagu dhaawacay 4 kale oo uu ku jira sarkaal taliye horin ah oo lagu magacaabo Maxamed Cali.
Tani ayaa ka dhigan in dagaallo 4-tii maalmood ee lasoo dhaafay ka dhacay duleedka magaalada Kismaayo laguna jabiyay ciidamada DF ay dhimasho iyo dhaawac ku noqdeen in ka badan 30 askari.
