Faahfaahin ayaa kasoo baxaysa dagaal qaraar oo ciidamada maamulka Koofurgalbeed ku dhex maray degmada Bardaale ee gobolka Bay.
Dagaalka xooggiisa oo ka dhacay jihooyinka laga soo galo magaalada iyo baraha ilaalada ayaa sababay dhimashada 6 xubnood oo isugu jira ciidamo iyo saraakiil.
Dagaalka oo ahaa mid aad u xooggan ayaa waxaa la isku adeegsaday hubka fudud iyo midka culus kaasoo sababay in bulshada qaar badan oo kamid ah ay isaga barakacaan magaalada.
Dadka ugu caansan ee dagaalka ku nafwaayay waxaa kamid ah Cali Baroow oo ahaa taliyihii booliska degmada Bardaale waxaana ku dhaawacmay illaa iyo sedax sarkaal.
Ciidamada dagaalamay ayaa u qeybsamay qeyb daacad u ah Cabdicasiis Laftagareen hogaamiyaha Koofurgalbeed iyo kuwa kasoo horjeeda, waxaana laga Itaal roonaaday kuwii Laftagareen.
