Faahfaahin dheeraad ah ayaa laga helayaa dad Kenyan ah oo ku dhintay goob macdanta laga qodo oo kula soo duntay islaamul katirsan dalka Kenya.
Degaan katirsan ismaamulka Migori ee dalka Kenya ayuu dadkaan kula soo dumay godka ay mactanta ka qodayeen, taas oo sababtay dhimashada tiro dad ah.
Illaa 5 ruux oo kamid ah dadkii macdanta qodayay ayaa ku naf waayay halkaasi, waxaana markii uu godku soo dumayay goobta ku sugnaa 18 ruux
Wararka ayaa intaasi ku daraya in illaa 10 qof oo kale ay wali ku xayiran yihiin goobta macdanta laga qodo ee kula soo duntay ismaamulka Migori ee dalka Kenya.
Waxaa socda dadaallo lagu doonayo in lagu soo badbaadiyo dadka ku xayiran halkaas.
Ddhacdooyinka nuucaan ah ayaa mudooyinkii lasoo dhaafay kusoo badanayay dalka Kenya, 4 Maalmood kahor ayay aheyd markii dhacdo sidaan oo kale ah oo laga soo tabiyay ismaamul katirsan Kenya ay ku dhinteen 7 qof oo Kenyan ah.
