Wararka ka imaanaya dalka Uganda ayaa ku waramaya in saacadihii lasoo dhaafay ay dalkaasi ka dhaceen dhacdooyin sababay dhimashada dhowr qof oo Ugandhees ah.
Dab qabsaday gaari nooca taksiga ah oo la kireysto ayaa waxaa ku dhintay ugu yaraan 2 ruux oo kamid ahaa rakaabka saarnaa gaariga.
Gaariga uu dabka qabsaday ayaa kusii jeeday magaalo lagu magacaabo Mbale oo katirsan dalka Uganda, waxaana uu ku socdaalayay wadada Clive ee marta bariga magaalada Jinja.
Ugu yaraan 12 qof ayaa saarnaa gaariga uu dabka ka dhex kacay, marka laga soo tago dhimashada dhimashada labada qof, waxaa jira tiro dhaawacyo ah oo aan la xadidin.
Dhinac kale, taayeer gaari oo qarxay ayaa sababay dhimashada labo ruux oo makaanik ah, dhacdadan ayaana ka dhacday deegaan lagu magacaabo Kijjabwemi oo hoostaga degmada Masakah ee dalka Uganda.
Labada ruux ee dhimatay waxaa lagu kala magacaabaa Joseph Norman oo 39 sano jir ah, iyo Timothy oo 15 sano jir a, waxaana taayarku ku qarxay xilli ay ku jireen cillad bixinta taayarka.
