Wararka ka imaanaya gobolka Shabeellaha Dhexe ayaa ku waramaya, in ciidamada Xarakada Mujaahidiinta Al-Shabaab ay dagaal culus la galeen askarta Dowladda Federaalka.
Dagaalka ayaa ka dhacay duleedka degmada Ruun-nirgood ee gobolka Shabeellaha Dhexe, ciidamada Dowladda Federaalka ayayna wararku tilmaamayaan in jab culus lagu gaarsiiyay dagaallada.
Goobaha lagu dagaallamay oo ay u hareen ciidamada Xarakada Mujaahidiinta Al-Shabaab, waxaa yaala meydadka askar katirsan Dowladda Federaalka oo lagu dilay dagaalka, kuwaasoo laga furtay hubkii ay wateen.
Dhinac kale, qarax khasaare dhaliyay ayaa ka dhacay degmada Qansaxdheere ee gobolka Baay, kaasoo lagu beegsaday ciidamada Xabashida Itoobiya.
Ugu yaraan 5 askari oo Itoobiyaan ah ayaa la xaqiijinayaa iney ku dhinteen qaraxan, oo jugtiisa laga malqay xaafadaha magaalada, halka ay ku dhaawacmeen 3 kale.
Xarakada Mujaahidiinta Al-Shabaab, ayaa Soomaaliya kula dagaallameysa ciidamo huwan ah oo Shisheeye, kuwaasoo garab ka helaya Dowladda Federaalka iyo maamul goboleedyada, Al-Shabab ayaana marar badan sheegaya iney u dagaallamayaan sidii Soomaaliya looga saari lahaa Shisheeyaha, loona dhisi lahaa dowlad Islaami ah.
