Ciidamo katirsan Boliska iyo Sidroonka dowladda fedaraalka oo wata gaadiidka dagaalka iyo kuwa loo yaqaanno cagafta, ayaa aroornimadii hore ee saakay waxa ay howlgal burburin ah ka fuliyeen degmada Boondheere ee magaalada Muqdisho.
Dadka oo iska hurdaya ayaa mar qura ka war heliyay gaadiidka gacagta oo guryaha burburinaya, waxaana halkaasi ka dhacay kala carar.
Shalay oo kaliya ayay dadka qaar sheegeen in la siiyay amar ah iney ka guureen dhulkaas loona qabtay muddi 15 maalmood ah, balse ay isku badashay 15 saacadood.
Muuqaallo laga soo qaaday goobta ayaa muujinaya, dadka qaar oo ay usuura gashay iney alaabtooda ka baxsadaan guryaha oo tuban wadooyinka waaweyn ee degmada.
Haweeney kamid ah dadka ku dhaqan Boondheere islamarkaana qeyb ka ah qoysaska laga barakiciyay dhulka laburburiyay, ayaa madaxweynaha dowladda fedaraalka ku eedeysay inuu xureysan la’yahay Cawsweyne, taas badalkeedana uu kusoo noqday dadka masaakiinta ah.
Mudooyinkii lasoo dhaafay dowladda fedaraalka ayaa kordhisay howlgallada burburinta ah ee ay ku beegsaneyso guryaha ay dagan yihiin dadka rayidka ah ee ku yaalla Muqdisho iyo duleedkeeda, waxaana Boondheere ka horreeyay halka loo yaqaanno Dabdamiska iyo degaanka Ceelasha-biyaha ee dhaca duleedka caasimadda.
