Magaalada Nairobi ee caasimadda wadanka Kenya waxaa warar ka imaanaya ay tilmaamayaan, in haweeney iyo gabadhii ay dhashey ku dhinteen dab ka kacay dhisme ku yaala magaalada.
Dabka ayaa si gaar ah uga kacay qol ay deganeyd haweeneyda iyo gabadheeda oo 3 sano jir ah, waxaana la muujinayaa suurtogalnimada in iyadu dabka isqabadsiisay.
Dhacdadan ayaa ka dhacday xaafadda Kasarani ee ismaamulka Nairobi, waxaana dabka uu si daran u saameeyay labada ruux.
Haweeneyda dabku qabsaday ee geeriyootay ayaa lagu magacaabaa Ann Wanjala, waana 30 jir hooyo u ahayd gabar 3 sano jir ah.
Bishii labaad ee sanadkan 2024-ka ayay ahayd markii dab ka kacay magaalada Nairobi ee caasimadda Kenya ay ku dhinteen 3 ruux, halka ay ku dhaawacmeen boqollaal kale, waxaana jiray guryo iyo gawaari ku basbeeley dabka.
