Dagaallo culus oo udhexeeya ciidamada Xarakada Mujaahidiinta Al-Shabaab iyo kuwa dowladda fedaraalka ayaa waxa ay maanta galinkii dambe ka dhaceen, degaanka Waniinle oo ku yaalla duleedka degmada Ceeldheer ee gobalka Galgaduud.
Khasaare xoogggan oo sigu jira dhimasho iyo dhaawac ayaa ciidamada dowladda fedaraalka lagu gaarsiiyay dagaalladaan culus ee ka dhacay duleedka degmada Ceeldheer, waxaana dhimashado iyo dhaawac ku noqday ku dhawaad 70 askari.
Ugu yaran 27 askari ayaa la xaqiijiyay in lagu dilay dagaalladaan, halka lagu dhaawacay 38 kale oo katirsan dowladda fedaraalka, waxaana goobta lagu dagaallamay looga cararay meydadka qaar kamid ah askartii la laayay.
Degaankaan ayaa maalmihii lasoo dhaafay waxaa dhaqdhaqaaqyo ka waday askar katirsan dowladda fedaraalka, iyagoona dhowr jeer marti galiyay weeraro kaga yimid ciidamada Xarakada Mujaahidiinta Al-Shabaab, balse dagaalladii maanta ayaa ahaa kuwa ugu culus ee halkaasi ku qabsaday islamarkaana looga dilay askar badan kuwa kalena looga dhaawacay.
