Iska hor imaad ka dhacay kaniisad ku taallad dalka Kenya ayaa waxaa ka dhashey waxyeello, halka shil ka dhacay dalkaas ay ku dhinteen tiro dad ah.
Ugu yaraan 10 qof oo Kenyaati ah ayaa ku dhaawacmay iska hor imaad ka dhacay kaniisad ku taalla deegaanka Mugirango ee katirsan ismaamulka Kisii.
Dadka dagaallamay ayaa isku heysta lahaanshaha dhulka ay ku taallo kaniisadda, waxaana markii dambe soo kala dhexgalay ciidamada booliiska, iyadoo dadka dhaawacmey isbitaalka la geeyey.
Dhinac kale, shil ka dhacay wadada xiriirisa Sagana iyo Makutano ee ismaamulka Kirinyagaee wadanka Kenya ayaa waxaa ku dhintey ugu yaraan labo qof.
Gaari taksi ah iyo mooto ayaa isku dhacay, waxaana durba goobta ku geeriyooday labo qof. Meydadka labada qof ee shilka ku geeriyooday ayaa la geeyay goobta meydadka la dhigo ee isbitaalka magaalada Kerugoya iyadoo lagu wado in lagu sameeyo qalliin baaritaan ah.
