Degaanka Balaal-dheer ee u dhaw degaanka Cadakibir ee gobolka Galgaduud, ayaa xalay xilli dambe waxaa lagu dilay, labo qof oo rayad ah kuwaasoo aan katirsaneyn dadka dagaallamaya.
Labadaan qof ee la dilay oo midkood ahaa nabadoon caan ka ah aagga uu dilku ka dhacay, ayaa waxaa lagu kala magacaabijiray Axmed Wehliye Guure iyo Cabdinaasir Maxamuud Cilmi, waxaana meydadkooda la geeyay, degamda Cadaado ee gobolka galgaduud.
Maleeshiyaadkii dilka geystay ayaa isaga baxsaday goobta, waxaana degaanka uu falka dilka ah ka dhacay laga soo sheegayaa, saansaan dagaal oo ka dhalatay dilka labada nin.
Dagaal beeleedyada ka dhacaya gobolka Galgaduud ayaa ah kuwo soo laalaabtay, mana muuqato cid wax kaqabaneysa, iyadoo dowladda fedaraalka lagu eedeeyo iney hurineyso dagaal beeleedyadaas.
