Wararka laga helayo dalka Mareykanka ayaa ku waramaya, in weerar toogasho ah oo khasaare dhaliyay uu ka dhacay waddankaas.
Ugu yaraan 4 ruux ayaa la xaqiijiyay in lagu dilay weerarkaan oo ka dhacay magaalada Chicago ee waqooyiga Mareykanka.
Waxaa weerarka lala beegsaday tareen ay rakaab saarnaayeen oo marayay magaalada Chicago.
Bolisku waxa ay sheegeen in ruux hubeysan uu rasaas oodda kaga qaaday dadkii saarnaa tareenka, taas oo sababtay in 3 ruux ay isla goobta ku geeriyoodaan, halka ruuxa 4-aad oo dhaawac ahaan loogu qaaday uu goor dambe isbitaalka ku geeriyooday.
Wararkiu waxa ay tibaaxayaan in boliska Mareykanka ay gacanta ku dhigeen, ruux lagu tuhmayo inuu ka dambeeyo weerarkaan toogashada ah ee khasaaraha dhaliyay.
