Dagaal ayaa gobalka Hiiraan ku dhexmaray gaadiidley dhawaan hubka qaatay iyo maleeshiyaad hubeysan oo isbaarooyin dhigta wadooyinka gobalkaas.
Maalintii shalay waxaa degaanka Ilkacade oo qiyaas ahaan dhinaca Waqooyi Bari kaga beegan magaalada Baladweyne ilaa 25KM ka dhacay, dagaal dhexmaray maleeshiyaad hubeysan iyo gaadiidley dhawaan hubka qaatay shaqo joojinna ku dhawaaqay.
Gaadiidleyda oo xirtay wadada islamarkana hakiyay isku socodkii gaadiidka iyo dadka iyagoo ka cabanaya isbaarooyin iyo arrimo kale, ayaa waxaa weerar ku qaaday maleeshiyaadka hubeysan.
Laba ruux ayaa ku dhimatay 2 kalena wey ku dhaawacmeen dagaalkaan.
