Ciidamada Xarakada Mujaahidiinta Al-Shabaab ayaa howlgal qorsheysan iyo qarax ay ka fuliyeen magaalada Buulomareer ee gobalka Sh-hoose waxay ku beegsadeen, sarkaal katirsan Dowladda Fedaraalka iyo ciidamada Shisheeye ee duullaanka ku joogo dalka.
Haddaan ku horeyno weerarka qaraxa ah, waxay ciidamada Xarakada Mujaahidiinta Al-Shabaab la beegsadeen kolonyo katirsan ciidamada Uganda oo sii galayay xerada ay ku leeyihiin magaalada Buulomareer.
Qaraxa ayaa haleelay gaari gaashaaman oo kamid ahaa kolonyada, waxaana halkaasi dhimasho iyo dhaawac ku noqday ugu yaraan 5 askari oo katirsan ciidanka Uganda.
Sidoo kale howlgal qorsheysan ayay ciidamada Xarakada Mujaahidiinta Al-Shabaab ka fuliyeen magaalada Buulomareer ee gobalka Sh-hoose, kaas oo lagu beegsaday sarkaal katirsan Dowladda Fedaraalka.
Ciilow Abuukar oo ahaa sarkaal katirsan Dowladda Fedaraalka gaar ahaan kuwa qaabilsan in lacagaha baadda ah ay ka qaadaan suuqa qudaarta ayay ciidamada Xarakada Mujaahidiinta Al-Shabaab ku dileen, howlgal qorsheysan oo ay ka fuliyeen gudaha magaalada Buulomareer ee gobalka Sh-hoose.
Waxaa kale oo ay xalay ciidamada Xarakada Mujaahidiinta Al-Shabaab ay weerar ku qaadeen, xero ay askarta Uganda ku leeyihiin degaanka Shalaambood ee isla Sh-hoose.
Saldhigga askarta maamulka la baxay Koonfur-galbeed ay ku leeyihiin degmada Qansaxdheere ee gobalka Baay ayaa sidoo kale xalay la wareeray.
