Wararka ka imaanaya gobalka Nugaal ayaa ku waranaya, in shil geystay khasaare kala duwan uu ka dhacay degaan hoostaga magaalada Garowe ee xarunta maamulka la baxay Puntland.
Shilkaan ayaa waxa uu si gaar ah kaga dhacay degaanka Laacdheere oo hoos yimaado magaalada Garowe ee gobalka Nugaal.
Waxaa shilkaan uu khasaare isugu jira dhimasho iyo dhaawac kasoo gaaray hal qoys oo kala ah haweeney iyo wiil ay dhashay oo isla goobta ku dhintay, iyo dhaawaca 2 wiil oo ay midi iyadu dhashay midna ay ayeeyo utahay.
Shilka ayaa yimid kadib markii gaadiidka qaada maandooriyaha qaadka uu dulmaray bajaaj ay saarnaayeen qoyskaan.
