Ciidamada difaaca Cirka ee xukuumadda Ukraine ayaa maalintii shalay oo Sabti ahayd war ay soo saareen ku sheegay, iney dhulka soo dhigeen ku dhawaad 70 diyaaradood oo ay kusoo wareertay dowladda Ruushka iyo gantaallo isugu jira Kurus iyo balaastik.
Bayaan kasoo baxay taliska ciidanka Cirka oo lagu faafiyay barta uu ku leeyahay Telegram-ka ayaa lagu sheegay, iney soo rideen 69 kamid ah 73 diyaaradood oo nooca Drone-ta ah oo uu Ruushku usoo wareeraray iyo gantaallo wehlinayay.
Taliska ciidanka Yukreyn ayaa isaguna sheegay, in nidaamkooda difaaca hawada uu bururiyay ku dhawaad 15 Drones-ah oo ay Ruushku kusoo weerareen magaalada Kiyeef ee caasimadda wadankaasi iyo duleedyadeeda.
Waxay intaasi ku dareen iney diyaaraduhu ku dhaceen, mid kamid ah goobaha aan la deganeyn ee katirsan Kiyeef.
Dagaalka kasocda wadanka Ukraine ee uu Ruushku asal ahaan soo qaaday, ayaa ah mid dabadheeraday, waxaana muuqata iney isku daaleen.
