Waxaa faafaahin laga helayaa dagaal culus oo saaka deegaanka Waniinle ee duleedka Ceeldheer, ku dhexmaray ciidamada Xarakada Mujaahidiinta Al-Shabaab iyo kuwa Dowladda Federaalka.
Dagaalka oo la isku adeegsaday hubka noocyadiisa kala duwan, in muda ahna socday waxaa khasaare ba’an lagu gaarsiiyay ciidamada Dowladda Federaalka, kuwaasoo meydadkooda kaga cararay goobta dagaalka.
Inta la xaqiijiyay waxaa dagaalka Waniinle saaka ka dhacay lagu dilay, 9 askari oo katirsan ciidamada Dowladda Federaalka, halka lagu dhaawacay 12 kale, oo dhaawacyadoodu kala duwanyihiin.
Meydadka sagaalka askari ee dagaalka lagu dilay iyo hubkii ay wateen, ayay ciidamada Dowladda Federaalka uga carareen goobta lagu dagaallamay, waxaana gacanta ku dhigay ciidamada Xarakada Mujaahidiinta Al-Shabaab.
