Khasaare isugu jira dhimasho iyo dhaawac ayaa ka dhashay, dagaal ciidamo katirsan Dowladda Fedaraalka iyo kuwa maamulka la baxay Koonfur-galbeed ku dhex maray deegaanka Yaaqbiriweyne ee gobalka Sh-hoose.
Maalintii shalay dagaallo culus ayaa waxa ay markale ka dhaceen degaanka Yaabqiriweyne ee gobalka Sh-hoose, kuwaas oo dhaliyay khasaare isugu jira dhimasho iyo dhaawac.
Dagaallada oo udhexeeyay ciidamada Dowladda Fedaraalka iyo kuwa maamulka la baxay Koonfur-galbeed ayaa waxaa ka dhashay dhimashada 10 ruux oo labada dhinac ubadan, halka ay ku dhaawacmeen 20 kale.
Waxaa lasoo warinayaa in wali ay xiisadi ka taagan tahay deegaanka, taaas oo udhexeeysa dhinacyada dagaallamay.
