Wararka ka imaanaya gobolka Gedo ee koonfurta Soomaaliya, ayaa ku waramaya in markale dagaallo culus ka dheceen degmada Luuq ee gobolkaas, halkaas oo ay isku hayaan malleeshiyaad hab qabiil u abaabulan.
Tafaasiil dheeraad ah ayaa laga helayaa dagaallo markale ka qarxay degmada Luuq ee gobalka Gedo, kuwaas oo udhexeeya maleeshiyo beeleed wada dega degmada.
Dagaallada ayay wararka qaar sheegayaan iney qeyb ka yihiin ciidamo kala taabacsan Dowladda Fedaraalka iyo kuwa maamulka la baxay Jubbaland.
Ugu yaraan 6 ruux oo ay dad shacab ah ku jiraan ayaa la xaqiijiyay iney ku dhinteen, dagaallada ka dhacay degmada Luuq ee gobalka Gedo.
