Warbaahinta ku hadasha afka nidaamka Nusayriyada Suuriya ayaa shaacisay, in diyaaradaha maamulka Yahuudda ay duqeymo ka geysteen qeybo kamid ah gobolka Al-Laadiqiyah, aroornimadii hore ee maanta oo Khamiis ah.
Wakaaladda wararka ee Nidaamka laguna magacaabo Saana iyo telefeshinka rasmiga ah, ayaa baahiyay in duqeymuhu ay ka dheceen ilinka laga soo galo magaalada Al-Laadiqiyah ee dhinaca ku heysa badda Medeteriyanka.
Duqeymaha Yahuudda ayaa dhaliyay dab ka kacay goobta ay gantaalladu ku dheceen, kooxaha dab-damiska ayaana ku guuleystay iney damiyaan dabka, inta aanu ku faafin dhul horleh.
Maamulka Yahuudda ayaa waayadii u dambeysay wuxuu kordhiyay duqeymaha uu ku beegsanayo xarumaha milliteri iyo saldhigyada nidaamka Nuseyriyada iyo dowladda shiicada ah ee Iiraan.
