Gaajo macluul ayaa soo food saartay dadka ku dhaqan dhulka uu ka arrimiyo maamulka la baxay Soomaaliland.
Xilli sanadihii lasoo dhaafay dadka ku dhaqan dhullka uu ka arrimiyo maamulka la baxay Soomaaliland ay wajahayeen sicir barar baahsan, ayaa waxa ay taasi dhalisay in gaajo iyo macluul ay lasoo darasto dadka.
Bulshada ayaa wajahaya xaalado adag oo aysan ka bixi karin, iyadoo wax walibana ay cirka isku shareereen.
Maamulka la baxay Soomaaliland ayaa lagu eedeeyay inuu masuul ka yahay dhibaatadaan ka jirta Mandiqadda, dadkuna ay hadda soo wajahday gaajo iyo macluul.
Qaar kamid ah dadka ku dhaqan dhulkaas ayaa ka warramay xaaladda faraha kasii baxeysa ee ay wajahayaan.
Musharrax lagu magacaabo C/raxmaan Cirro ayaa isana dhankiisa sheegay, in xaaladdaan soo korortay uu sabab uyahay maamulka la baxay Soomaaliland, oo uu ku eedeeyay inuu lacago ugu tala galay doorashada uu soo daabacay, uuna ku fashilmay wax ka qabashada dhibaatada dadka heysata.
