Ciidamada Xarakada Mujaahidiinta Al-Shabaab ayaa xalay iyo saakay fuliyay, weeraro lala beegsaday askarta Xabashida Itoobiya, kuwa maamulka la baxay Koonfur-galbeed iyo Dowladda Fedaraalka.
Haddaan ku horreyno gobalka Bakool, waxay ciidamada Xarakada Mujaahidiinta Al-Shabaab qarax la beegsadeen, goob ay ku sugnaayeen askarta maamulka la baxay Koonfur-galbeed oo ku taalla degmada Waajid ee gobalka Bakool, waxaana qaraxaasi ku dhaawacmay 1 askari.
Sidoo kale waxaa xalay weeraro lagu qaaday fariisinka askarta Xabashida Itoobiya iyo saldhigga ciidanka maamulka la baxay Koonfur-galbeed ku leeyihiin deegaanka Awdiinle ee hoostaga magaalada Baydhabo.
Saakay waxay kaloo ciidamada Xarakada Mujaahidiinta Al-Shabaab madaafiic ku garaaceen, xerada ay askarta Dowladda Fedaraalka ku leeyihiin degmada Ceel-waaq ee gobalka Gedo.
