Inkabadan Shan ruux ayaa dhimasho iyo dhawaac ku noqday dagaallo hab qabiil u abaabulan oo ka dhacay gobolka Shabeellaha Dhexe.
Labo malleeshiyo beeleed oo hubeysan, islamarkaana kala helaya taageerada ciidamada Dowladda Federaalka ayaa xalay ku dagaallamay deegaan lagu magacaabo Ceel Xaraf oo qiyaastii 10kiilomter u jira degmada Cadalle ee Shabeellaha Dhexe.
Ugu yaraan 3 ruux ayaa dhimatay, halka saddex kalena dhaawacmeen, welina xaaladda ayaa cakiran, dhinacyada dagaallamay ayaana is hor fadhiya.
Colaadda habka qabiil u abaabulan ayaa waxaa huriya masuuliyiinta Dowladda Federaalka, kuwaasoo hubeeyeyey malleeshiyaad beeleedyo loo bixiyay Macwiisley, mararka qaarna ciidamada Dowladda Federaalka ayaaba hab qabiil u kala safta.
