Wararka ka imaanaya dalka Itoobiya ayaa ku waramaya, in shidaal la’aan baahsan ay soo wajahday dalkaas, iyadoo taas ay saameyn ku yeelatay dadka Itoobiyaanka ah.
Gobalka Amxaarada oo kamid ah goballada ku yaalla dalka Itoobiya ayaa si weyn looga dareemayaa, shidaal la’aantaan laga soo sheegayo dalka Itoobiya.
Muuqaallo laga soo duubay magaalada Bahir Dar ee caasimadda gobalka Amxaarada ayaa muujinaya, boqallaal gaadiid ah oo u badan Bajaajta, kuwaas kuwa baakiman wadooyinka.
Dalka Itoobiya ayaa waxaa mudooyinkii lasoo dhaafayba laga soo sheegayaa dhaqaale xumi, taas oo ay ugu wacan tahay colaadaha mudada dheer ka jira dalkaan.
Gobalka Amxaarada ayaa waxaa ka socda dagaallo lafa jabis ah oo udhexeeya ciidanka xukuumadda Adis Ababa iyo maleeshiyaadka Amxaarada ee FANO, tani ayaana sababatay in uu dhaqaalaha gobalka burburo, islamarkaana ay xaalad adag soo wajahdo dadka Itoobiyaanka ah.
