War saxaafadeed kasoo baxay Taliska Ciidamada Xarakada Mujaahidiinta Al-Shabaab, ayaa lagu faafaahiyay dagaallo culus oo maanta ka dhacay deegaanno dhaca duleedka magaalada Ceeldheer ee gobolka Galgaduud.
War Saxaafadeedka waxaa lagu sheegay, in dagaalkii Ceeldheer ay ciidamada Xarakada Mujaahidiinta Al-Shabaab ku dileen ugu yaraan 23 askari oo ay saraakiil ciidan ku jiraan, halka lagu dhaawacay 27 kale.
Marka laga soo tago khasaaraha nafeed, ciidamada Xarakada Mujaahidiinta Al-Shabaab waxay dagaalka kusoo furteen saanado hub kala duwan, sida lagu sheegay war saxaafadeedka kasoo baxay Taliska ciidamada Xarakada Mujaahidiinta Al-Shabaab.
Waayadii u dambeysay waxaa dagaallo culus ka socdeen deegaanno dhaca bariga gobolka Galgaduud, kuwaasoo dhexmaraya ciidamada Xarakada Mujaahidiinta Al-Shabaab iyo askarta Dowladda Federaalka.
Dagaal dhawaan ka dhacay deegaanka Waniinle ee gobolka Galgaduud, ayaa lagu dilay 13 askari, halka lagu dhaawacay 26 kale.
Halkan ka akhriso war saxaafadeedka.
