Ciidamada Xarakada Mujaahidiinta Al-Shabaab ayaa xalay weerar qarax ah iyo kuwa toos ah oo lala beegsaday, askarta Dowladda Fedaraalka iyo kuwa Xabashida Itoobiya waxa ay ka fuliyeen goballada Baay, Bakool iyo Hiiraan.
Haddaan ku horreyno Hiiraan, askari katirsan boliska Dowladda Fedaraalka ayaa ku dhaawacmay, weerar qarax ah oo ay ciidamada Xarakada Mujaahidiinta Al-Shabaab ka fuliyeen, buundada weyn ee magaalada Baladweyne ee xarunta gobalka Hiiraan.
Sidoo kale weeraro safballaaran ah oo xalay ciidamada Xarakada Mujaahidiinta Al-Shabaab ay ku qaadeen, saldhigga iyo fariisimo ku yaalla degmada Xudur ee gobalka Bakool ayay ku dileen 1 askari oo katirsan maamulka la baxay Koonfur-galbeed, iyadoo lagu dhaawacay 7 kale.
Waxaa kale oo ay ciidamada Xarakada Mujaahidiinta Al-Shabaab xalay weeraro ku qaadeen, xero ay askarta Xabashida Itoobiya ku leeyihiin degmada Diinsoor ee gobalka Baay, kaas oo lagu dilay 1 askari oo Itoobiyaan ah laguna dhaawacay 2 kale, iyo fariisin ay askarta maamulka la baxay Koonfur-galbeed ku leeyihiin halka loo yaqaanno Maaya-fuulka oo ku taalla magaalada Beydhabo.
