Tobanaan gantaal oo laga soo tuuray dhanka dalka Lubanaan, ayaa aroornimadii hore ee saakay ku dhacay gudaha degaanada uu xoogga ku heysto maamulka Yahuudda ee Falastiin.
Genataallada ayaa lagu bartilmaameedsanayay magaalooyin ay kamid tahay Talaabiib oo xarun u ah kayaanka Sahyuuniga, waxaana ka dhacay dhaawacyo farabadan.
Ugu yaraan 19 ruux oo Yahuud ah ayaa la sheegay iney ku dhaawacmeen duqeymahan, kuwaasoo ku dhacay magaalada Dheyra ee kamid ah dhulka Falastiin ee ay gumeysato Yahuudda.
Dhaawacyada dadka Yahuudda ah ayaa loola cararay isbitaallada, iyadoo lagu daweynayo halkaasi.
Sido kale 3 gentaal oo ku wajahnaa magaalada Talaabiib, ayey isku dayeen maamulka Yahuuddu iney ka hor tagaan, hase ahaatee kumey guuleysan iney celiyaan dhamaantood.
Yahuudda ayaa dagaalka ay kaga jirto wadanka Lubanaan waxay ka dhaxashay khasaare culus oo dhabarka loo saaray, kaasoo illaa iyo haantan ku socda maadaama uusan wali dagaalku joogsan.
