Wararka ka imaanaya gobolka Jubbada Hoose, ayaa tilmaamaya in ciidamada Xarakada Mujaahidiinta Al-Shabaab, ay weerar ku qaadeen saldhiga ciidamada maamulka labaxay Jubbaland ku leeyihiin, deegaanka Buulo-Xaaji ee dhaca duleedka Kismaayo.
Dagaalka oo in muda ah socday, la iskuna adeegsaday hubka noocyadiisa kala duwan, ayaa waxaa ka dhashey khasaare isuga jira dhimasho iyo dhaawac, oo gaaray ciidamada halkaasi lagu weeraray.
Inta la xaqiijiyay waxaa dagaalka lagu dilay hal askari, halka lagu dhaawacay 3 kale, waxaana lagu soo furtay hub kala duwan.
Dhinac kale, ciidamada Xarakada Mujaahidiinta Al-Shabaab ee ka howlgala dhulka NFD ee ku hoos jira gumeysiga Kenya, ayaa fuliyay weerar qarax ah oo lagu beegsaday kolonyo ciidamo Kenyaan ah.
Ciidamada qaraxa lagu beegsaday ayaa marayay inta u dhexeysa degmooyinka Arabiya ee Mandheera, waxaana lagu gubay gaari kooyal ah, iyadoo ay jiraan khasaare dhimasho iyo dhaawac oo aan cadadooda la heynin.
