Taliska Ciidamada Xarakada shabaabul Mujaahidiin ayaa faafaahin ka bixiyay weeraro jidgal ah oo maanta Amisom Loogu dhigay Shabeelaha Hoose.
Wareysi Alfurqaan uu siiyay Afhayeenka Ciidamada shabaabul Mujaahidiin Sheekh Cabdalcasiis Abuu Muscab ayuu ku sharaxay qasaaraha Ciidamada Ugandha kasoo gaaray dagaal ka dhacay Dulleedka Bali doogle ee shabeelaha Hoose.
Waxa uu sheegay in weerar dhabagal ah ay udhigeen ciidamo kasoo baxay Muqdisho sahayna uwaday Ciidamada Itoobiya ee ku sugan Baydhabo.
Abuu Muscab waxa uu sheegay in 6 gawaari ay ka gubeen Ciidamada shisheeyaha ee la kulmay weerarada jidgalka ah ee maanta ka dhacay shabeelaha Hoose.
Waxa uu faafaahiyay nuucyada gawaarida Gubtay isagoo intaa raaciyay inay jiraan qasaaro dhimasho iyo dhaawac leh oo soo gaaray ciidamada Ugandha.
Waxa uu wacad ku maray inay sii wadi doonaan howlgalada ka dhanka ah shisheeyaha ku soo duulay Soomaaliya.
