Magaalada Muqdisho ee caasimadda Soomaaliya waxaa lagu toogtay sarkaal katirsan ciidamada uu Turkigu tababaray ee loo yaqaano Gorgor.
Dilkan ayaa ka dhacay degmada Dharkenley ee magaalada Muqdisho, waxaana geystay rag katirsan Xarakada Mujaahidiinta Al-Shabaab.
Ragga dilka fuliyay ayaa goobta isaga tagay, waxaana goor dambe goobta soo gaaray ciidamo katirsan kuwa Dowladda federaalka oo qaaday meydka sarkaalka.
Dhanka kale, waxaa magaalada Gaalkacyo lagu dilay xubin katirsan golaha deegaanka maamulka Puntland ee uu hogaamiyo Siciid Deni.
Masuulka la dilay waxaa lagu magacaabaa Mukhtaar Axmed Cumar, waxaana ragga dilka geystay ay isaga tageen goobta iyagoo nabdoon.
Howlgalladan waxaa masuuliyadooda sheegtay Xarakada Mujaahidiinta Al-Shabaab.
