Wararka ka imaanaya gobolka Baay ayaa ku waramaya in maanta ciidamada Itoobiya silsilado qaraxyo ah lagula eegtay qeybo kamid ah gobolkaas, kuwaas oo dhaliyay khasaare kala duwan.
Ciidamo Itoobiyaan ah oo marayay inta u dhexeysa degmada Bardaale iyo deegaanka Awdiinle ayaa waxaa lala eegtay qaraxyo gaaraya illaa iyo lix qarax, waxaana qaraxyadaas ay dhaliyeen khasaare kala duwan.
Goobjoogayaal waxay soo tabiyeen in qaraxyada kadib ay ciidamada Itoobiya jareen isgaarsiinta deegaannada ay ku safrayaan, taasi oo ay ku doonayaan iney ku qariyaan dhaq-dhaqaaqooda iyo khasaaraha gaaray.
Ciidamadan Xabashida ah ayaa todobaadyadii lasoo dhaafay waxay si tartiib tartiib ah ugu soo socdeen magaalada Baydhabo ee xarunta gobolka Baay, waxaana tan iyo markii ay kasoo gudbeen dhulka Soomaali galbeed illaa iyo hadda ay la kulmayaan weeraro kala duwan.
