Wararka ka imaanaya dalka Canada ayaa ku waramaya in ugu yaraan laba ruux ay ku dhintay tiro kalena ay ku dhaawacmeen weerar loo adeegsaday gaari oo ka dhacay magaalada Vancouver ee dhacda koonfur-galbeed gobolka British Columbia ee dalka Canada.
Kanaalka maxalliga ah ee CTV oo soo xiganaya sarkaal katirsan booliska ayaa sheegay in sidoo kale falkaan ay ku dhaawacmeen 10 ruux oo isugu jira caruur iyo dad waayeello ah.
Dad goob joogayaal ayaa ku waramay in gaari xoowli ku socda uu jiiray goob ay ku sugnaayeen dad badan oo ay ka socotay xaflad aroos, waxaana halkaas ka dhashay sida ay timaameen “fal argagaxleh”.
Booliska dalka Canada ayaa sheegay inay socdaan baaritaano lagu kala xaqiijinayo in falkaan uu ahaa shil ama mid ula-kac, iyadoo bixin wax faahfaahin dheeraad ah oo ku saabsan ruuxii geystay falkaan khasaaraha sababay.
Wadamada Reer Galbeedka waxaa inta badan ka dhaca falalka nuucaan oo kale, kuwaas oo ay ka dhashaan khasaaroohin nafeed oo kala duwan.
