Maalinkii 83-aad oo xiriir ah waxaa magaalada Qaza ku socda duullaanka cadowtooyo ee uu maamulka Yahuudda ku hayo magaalada Qaza, iyadoona geesta kale ay wali socdaan iska hor-imaadyada Kayaanka Suhyuuniga ah iyo Muqaawamada ku dhex maraya Jiidda.
Ugu yaraan 8 ruux ayaa ku shahiiday duqeymo culus oo uu Kayaanka Suhyuuniga ah ka geystey magaalada Khaan-Yuunis ee dhacda koonfurta Magaalada Qaza, duqeynta ayaa beegsatay isbitaal ku yaalla magaalada, waxaana sidoo kale ku dhaawacmay tiro dad ah.
Wasaaradda caafimaadka ee magaalada Qaza ayaa sheegtay, in 50 ruux ay ku shahiideen, tobannaan kalena ay ku dhaawacmeen duqeymaha ay diyaaradaha Yahuudda 24-kii saac ee lasoo dhaafay la beegsadeen guryo ku yaalla Magaalada Khaan-Yuunis, Deyt-Laahiyah, iyo Mukhayamka Al-Maqaazi oo dhammaantood ku yaalla Jiidda Qaza.
Halkaan Ka Dhageyso Warbixin Dagaalka Qaza oo galay maalinkii 83-aad.
