Ciidamada Xarakada Mujaahidiinta Alshabaab ayaa Xalay dagaal culus ku qaaday Xerada Ciidamada Maamulka Koofur galbeed ku leeyihiin Deegaanka Maanya fuulka ee duleedka Magaalada Baydhabo ee Xarunta Gobalka Baay.
Dagaalka ayaa halkaa mudda ka socday waxaana hubka la is weydaarsanayay laga maqlayay meelo ka durugsan halka uu ka socday.
Faah faahiin dheeri ah kama anaan helin hadii dhimasho iyo dhaawac la gaarsiiyay Ciidamada la weeraray.
Dhinaca kale Shalay gelinkii dambe ayay Ciidamada Xarakada Shabaabul Mujaahidiin waxay Madaafiic ku garaaceen Ciidamada Dowladda Federaalka ah ee fadhiya Degaanka Arbacow ee duleedka Magaalada Muqdisho.
Ugu yaraantii laba askeri baa la xaqiijiyay in ay halkaa ku dhaawacmeen kuwaa oo midkood xaaladiisa aad looga deyrinayo.
Dhinaca kale waxaa faah faahin dheeraad ah ka soo baxeysaa duqeyn madaafiic ah oo Shalay subax lagu garaacay fariinka Ciidamada Dowladda Federaalka ah ee Degaanka Jasiira ee isla duleedka Muqdisho.
Waxaa la xaqiijiyay in duqeyntaas ay ku geeriyoodeen laba askerti oo ka tirsanaa Dowladda Federaalka ah.
Xarakada Shabaabul Mujaahidiin ayaa sheegatay Mas’uuliyadda duqeyntaan khasaaraha sababtay.
