Magaalada Kismaayo ee xarunta gobalka Jubada-hoose waxay ciidamada Xarakada Mujaahidiinta Al-Shabaab ka fuliyeen howlgal gaar ah oo lagu dilay askari katirsanaaa Maamulka Jubbaland.
Askariga la toogtay ayaa waxa uu si gaar ah uga tirsanaa ciidamada nabad sugidda Maamulka Jubalaand, waxaana lagu magacaabi jiray Cumar Afballaar.
Waxa uu sidoo kale askarigaan la dilay istaaf u ahaa Sarkaal katirsan ciidanka Maamulka Jubalaand.
Sidoo kale xalay waxay ciidamada Xarakada Mujaahidiinta Al-Shabaab weerar culus ku qaadeen xero askarta Kenya ay ku leeyihiin degaan katirsan gobalkaas.
Fariisinka lagu weeraray Kenyanka ayaa ku yaalla deegaanka Hozingow, dagaalka kadib waxaa xerada ka kacay dab xoogan.
Dhanka kale Xaley Ciidamada Xarakada Mujaahidiinta Al-Shabaab waxay dagaal culus ku qaadeen Saldhiga Ciidamada Shisheeye gaar ahaan kuwa Burundi ay ku leeyihiin degmada Balcad ee gobalka Sh-dhexe.
Goobaha xalay la weeraray waxaa kamid ah xeryo ay ku sugnaayeen ciidamada shisheeye ee Uganda iyo kuwa DF, kuwaas oo ku yaalla qeybo kamid ah gobalka Sh-hoose.
Waxay ciidamada Al-Shabaab weerar isku waqti dhacay ku qaadeen xeryaha askarta Uganda iyo kuwa DF ku leeyihiin degmada Qoryooley ee gobalka Sh-hoose.
