Wararka ka imaanaya Gobolka Galgaduud gaar ahaan ahaan Magaalada Caabudwaaq ayaa sheegaya, in halkaasi uu dhacay dil arxandarro ah oo loo geystay Hooyo Soomaaliyeed.
Dilka loo geystay hooyadan oo lagu magacaabi jiray Foos Aadan Nuur ayaa si gaar ah kaga dhacay, Xaafadda Ubax ee degmada Caabudwaaq, waxaana kadambeeyay kooxo hubeysan sida ay sheegtay warbaahinta, kuwaasoo dilka kadib goobta isaga baxsaday.
Ilwareedyo ayaa sheegaya in dabley hubeysan ay haweeneydan ugaleen wadada xilli ay kusii jeediyay gurigeeda, iyagoo mar qura rasaas ku shannaqay, taasoo sababtay geerideeda.
Warar ayaa intaasu ku daraya in kooxdan hubeysan ay ahaayeen burcad, kuwaasoo doonayay iney dhacaan haweeneyda, balse markii ay wax ka waayeen kadib ay sidaasi ku dileen.
Caabudwaaq waxaa horay uga dhacay dilal farabadan, kuwaasoo intooda badan lala xiriirinayay anooyin qabiil.
