Dagaallo culus oo udhexeeyay ciidamada Xarakada Mujaahidiinta Al-Shabaab iyo kuwa DF ayaa maanta ka dhacay qeybo kamid ah gobalka Galgaduud, kuwaas oo khasaare culus lagu gaarsiiyay askarta DF.
Dagaallada oo lagu jabiyay ciidamada dowladda ayaa waxay si gaar ah kaga dhaceen afaafka hore ee degmada Ceeldheer ee gobalka Galgaduud ee bartamaha Soomaaliya.
Ugu yaraan 6 askari ayaa lagu dilay dagaallada maanta ka dhacay duleedka degmada Ceeldheer, waxaana ay ciidamada Al-Shabaab soo furteen qori iyo booshkiisa.
Dagaalladaan ayaa kusoo aadaya iyadoo saakay uu qarax ka dhacay degmada Ceeldheer ee gobalka Galgaduud, kaas oo lagu dilay 1 askari mid kalena lagu dhaawacay.
