Barqanimadii maanta waxaa degaanka Bariire ee dhaca duleedka degmada Afgooye ee gobalka Sh-hoose ka dhacay weerar khasaare dhaliyay oo lala beegsaday askar katirsan DF.
Ciidamada Xarakada Mujaahidiinta Al-Shabaab ayaa waxa ay weerar qorsheysan ku ekeeyeen askar karirsan DF oo ku sugnaa buundada degaanka Bariire.
Ciidanka la weeraray ayaa doonayay iney dhaqdhaqaaqyo ka sameeyeen duleedka Bariire, balse waxaa qorshahdooda dhiciseeyay ciidanka Al-Shabaab oo weerar qorsheysan la beegsaday askartaaas.
2 Askari oo uu sarkaal ku jiro ayaa lagu dilay weerarka kaas oo lagu magacaabi jiray Qadar Awoowe, waxa uuna ahaa taliye ku xigeenkii saadka ee ururka 1aad ee ciidamada Gorgor ee uu Turkigu taba Bartay.
Waxaa sidoo kale weerarka ku dhaawacmay 6 askari oo uu ku jiro taliyihii Ururka 1aad ee ciidanka Gorgor oo lagu magacaabo Cabdi Salaam Jaamac, kaas oo uu soo gaaray dhaawac garaab ah.
Degaanka Bariire waxaa dhawaan isaga baxay ciidanka Shisheeye ee ATMIS gaar ahaan kuwa Uganda, waxaana tan iyo wixii xilligaasi ka dambeeyay uu qalqal xooggan soo wajahay askarta DF, kuwaas oo waqti waliba filan karay in uu weerar kaga yimaado Ciidamada Xarakada Mujaahidiinta Al-Shabaab.
