Saacadihii lasoo dhaafay, ciidamada Xarakada Mujaahidiinta Al-Shabaab ayaa fuliyay weeraro lagu beegsaday ciidamada Dowladda Federaalka, kuwaasoo ka dhacay deegaanno katirsan gobollada Galgaduud iyo Hiiraan ee dhaca bartamaha Soomaaliya.
7 Askari ayaa ku dhimtay, 6 kalena way ku dhaawacmeen oo katirsan ciidamada Dowladda Federaalka, kadib dagaal maanta iyaga iyo ciidamada Xarakada Mujaahidiinta Al-Shabaab ku dhexmaray duleedka degmada Buulo-burde ee gobolka Hiiraan.
Ciidamada Xarakada Mujaahidiinta Al-Shabaab waxay dagaalka ku furteen labo qori oo AK-47 ah, booshashkooda iyo silis qoriga Dabajeexa ay Soomaalidu u taqaano.
Sidoo kale, weerar kamiin ah ayaa deegaan lagu magacaabo Waniille oo u dhaxeeya degmada Ceeldheer iyo deegaanka Masagawaay ee gobolka Galgaduud lagula beegsaday ciidamo katirsan kuwa Dowladda Federaalka. Xarakada Al-Shabaab ayaana sheegatay in weerarkaasi ku dishey hal askari.
