Wararka naga soo gaaraya gobalka Lamu ee ku hoos jira gumeysiga dowladda Kenya ayaa ku waramaya, in weerar qarax ah askar katirsan dowladda Kenya lagula beegsaday gobalkaas.
Ciidamada Xarakada Mujaahidiinta Al-Shabaab ayaa weerar la beegsaday, kolonyo askar Kenyan ah oo kasoo baxay xero ay ku leeyihiin degaanka Kambooni, iyagoo kusii jeeday magaalada Ishaakaani ee gobalka Lamu oo kamid ah dhulalka Muslimiinta ee ku hoos jira gumeysiga Kenya.
Gaari Kooyal ah oo uu ku rakibnaa qoriga Dashiikaha ayuu qarax haleelay, kaas oo ay saarnaayeen askar badan oo katirsan dowladda Kenya.
Qaraxa ayaa gabi ahaanba bubruriyay gaariga iyo qorigii ku rakibnaa, iyadoona ay halkaasi ku dhinteen askartii gaariga la socotay.
