Ciidamada Xarakada Mujaahidiinta Al-Shabaab ayaa saakay iyo xalay fuliyay, weeraro ka dhan ah askarta maamulka la baxay Koonfur-galbeed iyo kuwa Dowladda Fedaraalka, kuwaas oo ka kala dhacay gudaha magaalada Beydhabo iyo duleedka Magaalada Muqdisho.
Aroornimadii hore ee saakay, waxay ciidanka Al-Shabaab weerar kula jarmaadeen xero ay askarta Dowladda Fedaraalka ku leeyihiin degaanka Arbacow oo dhaca duleedka magaalada Muqdisho.
Sidoo kale habeenkii xalay ciidamada Xarakada Mujaahidiinta Al-Shabaab ayaa weerar ku qaadey, fariisin ay askarta maamulka la baxay koonfur-galbeed ku leeyihiin halka loo yaqaanno Maaya-fuulka ee ku taalla magaalada Beydhabo ee xarunta gobalka Baay.
Illaa iyo hadda ma aanan helin tafaasiil dheeraad ah oo ku aaddan weeraradaan ay fuliyeen ciidamada Xarakada Mujaahidiinta Al-Shabaab.
