Jaziiradda Mallorka oo kamid ah jaziiradaha Al-Balyaar ee dalka Spain, ayaa waxaa ku dhuftay dabeylo xoogan oo dhaliyay khasaare kala duwan.
Waaxda gurmadka deg-dega ee jaziiradan ayaa war ay soo saareen waxay ku sheegeen, in dabeylaha ku dhuftay jaziiradda ay sababeen dhimasho iyo waxyeello kala duwan.
Haweeney kasoo jeeda dalka Ingiriiska, oo dhawaan booqasho ku timid jaziiradda ayaa la xaqiijiyay iney ku dhimatay dabeylahan ku dhuftay jaziiradda Mallorka, waxaana lagu la’yahay nin kasoo jeeda dalka Ingiriiska.
Haweeneyda dhimatay iyo midka la la’yahay ayaa dhawaan booqasho dalxiis ah ku yimid mandiqadda, waxaana dabeylaha ku dhuftay jaziiradda lagu tilmaamay iney ahaayeen kuwa xoogan.
