Magaalada Matabaan ee gobolka Galgaduud, ayaa wararka ka imaanaya waxay ku waramayaan in dagaallo xoogan halkaasi ku dhemxareen ciidamo kawada tirsan kuwa maamulka degmada.
Ciidamo uu wato gudoomiyaha degmada Bashiir Sheekeeye iyo taliyaha booliiska degmada Xasan Maxmuud Xirsi, ayaa maalintii shalay ku dagaallamay degmada Matabaan, dhinacyada dagaallamay ayaana isku adeegsaday hubka noocyadiisa kala duwan.
Bashiir Sheekeeye ayaa la sheegay in ciidamo katirsan milliteriga Dowladda Federaalka uu kasoo kaxeystay degmada Guriceel ee gobolka Galgaduud, kuwaasoo gudaha u galay degmada Matabaan, laakiin waxaa dagaal kala hortagay ciidamo uu horkacayo taliyaha booliiska degmada Matabaan.
Maalmihii lasoo dhaafay, waxaa uu khilaaf xoogan ka dhexeeyay maamulka degmada Matabaan, saraakiisha booliiska degmada Matabaan ayaana kasoo hotjeeda gudoomiyaha degmada, iyagoo u ololeynaya in xilka laga qaado gudoomiyaha.
