Wararka naga soo gaaraya dalka Iiraan ayaa tilmaamaya, in ciidamada kacaanka Iiraan ay gacanta ku dhigeen shabkad basaas u ahayd sirdoonka Yahuudda ee Mosad.
War kasoo baxay ciidamada Kacaanka Iiraan, oo ay baahisay wakaaladda wararka ee Dhalaba, ayaa lagu sheegay iney u suurogashey kala fur-furidda shabakad sirdoon oo taabacsan Yahuudda, taasoo xogo sirdoon oo muhiim ah siineysay Mosad-ka.
Warka kasoo baxay ciidamada ilaalada Kacaanka Iiraan, waxaa lagu sheegay iney gacanta ku dhigeen ugu yaraan 12 oo kamid ahaa shabakadda, kadib dabogal sirdoon oo muda qaatay.
Dadka lagu eedeeyey iney basaas u ahaayeen sirdoonka Yahuudda, ayaa laga soo kala qabtay 6 gobol oo dhaca dalka Iiraan, waxaana ciidamada ilaalada Kacaanka Iiraan sheegeen, in raggan ku howlanaayeen fulinta weeraro ka dhan ah amniga dalka Iiraan.
