Waxaa saacadihii lasoo dhaafay qeybo kamid ah gobolka Shabeellaha Hoose ka dhacay, howlgallo lagu beegsaday kolonyo ciidamo Shisheeye ah oo ku socdaalaya wadada xiriirisa Shalambood iyo Buulo-Mareer.
Qarax lagula beegsaday inta u dhexeysa Danow iyo Golweyn ciidamo Yugaandhees ah oo lugeynayay, ayaa inta la xaqiijiyay waxaa ku dhimatay 2 sarkaal oo miino baarayaal ah.
Ciidamadan ayaa sidoo kale maanta la kulmay weeraro dhabogal ah, waxaana ay iminka ku hakadeen goobtii lagu beegsaday.
Muda ku siman shan maalmood oo xiriir ah ayay ku safrayaan inta u dhexeysa Muqdisho iyo Buulo-Mareer, waxaana ay si joogta ah ula kulmayeen weeraro isuga jira qaraxyo iyo kuwa toos ah.
