Habeenkii xalay, waxay ciidamada Xarakada Mujaahidiinta Al-Shabaab qaadeen, weeraro kala duwan oo lagu beegsaday ciidamada Shisheeyaha iyo askarta Soomaalida ee ku safka ah.
Shabeellaha Hoose, ciidamo katirsan Xarakada Al-Shabaab ayaa jidka u galay, kolonyo ciidamo Dowladda Federaalka katirsan, kuwasoo sahay kala duwan u waday saldhiga Ballidoogle ee gobolkaas.
Saddex gaari oo xamuul ah ayaa lagu gubay, mid kalena waa lagu soo furtay, kadib markii ciidamada Xarakada Mujaahidiinta Al-Shabaab inta u dhexeysa Afgooye iyo Wallaweyn, weerar kamiin ah ugu dhigeen askar sahay u siday saldhiga Ballidoogle.
Dhinac kale, ciidamada Xarakada Mujaahidiinta Al-Shabaab waxay madaafiic ku garaaceen, saldhiga ciidamada Dowladda Federaalka ku leeyihiin deegaanka Ilbaq ee hoostaga degmada Balcad.
Sidoo kale, saldhigyada ciidamada Itoobiya iyo kuwa maamulka Koonfur-Galbeed ee degmada Diinsoor, ayaa xalay waxaa weerar culus ku qaaday ciidamada Xarakada Mujaahidiinta Al-Shabaab.
