Ciidamada maamulka Yahuudda ayaa maalintii shalay oo Jimco ahayd ku dhawaaqay, in laga dilay 2 askari oo katirsanaa guutada ay ku magacaab Jowlaan.
Askarta ayaa ku dhintay duqeyn diyaarad Drone ah oo loo adeegsaday oo maamlmo kahor ka dhacday, Saldhiga ay leeyihiin ciidanka Yahuudda oo ku yaalla Waqooyiga dhulka xoogga lagu heysto, sida tabineyso warbaahinta Yahuudda.
Idaacadda maamulka Yahuudda aya sheegtay in labada askari ay u dhinteen qarax ka dhashay diyaarad Drone ah oo laga soo diray dalka Ciraaq taasoo lagu weeraray xero ay leeyihiin ciidanka Yahuudda oo ku taalla Waqooyiga buuraha Al-Jowlaan.
Waxay intaasi sii raacisay idaacadda Yahuuddu, in isla duqeyntan ay sababtay dhaawacyo soo gaaray 23 askari oo katirsan kayaanka Sahyuuniga ah.
Wargeyska Yadiicood Axranood oo isla laga leeyahay dhanka maamulka Yahuudda, ayaa sheegay in labada askari ee duqeynta lagu dilay magacyadoodu kala yihiin:
1-Raaqiib Daaniyaal Afiif Xaayiim Suufar oo 19 jir ah.
2- Cariif Taal Duruur oo isnaa 19 jir ah.
Maamulka Yahuuda ayaa sido kale baahiyay sawirada labada askari ee laga dilay ciidankooda.
Mas’uuliyadda duqeyntan ayaa waxaa sheegtay malleeshiyaadka taageerada ka helay Shiicada ee ku sugan dalka Ciraaq.
